Nga Keze Kozeta Zylo

    Duke lexuar poezinë “Meridianët i mjekon bukuria” në librin e fundit  të poetit Novruz Xh. Shehu “Të vdekurit na përgjojnë”, natyrshëm të duket se je takuar me të Bukurën e Dheut, dhe se poetët vetëm aty mund të gjejnë prehjen e tyre shpirtërore, edhe pse në momente të caktuara Hëna nga xhelozia mund të skërmitet si protezë e thyer...!
Nëpërmjet poezive të tij aq të ndjera na shfaqet kudo e Bukura e Dheut, në gjokset e saposythura, apo në odat e gjetheve të virgjëra të nusërisë, që lajnë dhe fshijnë sytë, duke e veshur ajrin me një cipë të mëndafshtë laureshash.

Nga Tomë Mrijaj, New York

Për brezat e rinj shqiptarë, e në veçanti të atyre kosovarë, kjo vepër e Prof. Dr. Riza Sadikut do të mbetet si një zbulim i pa njohur në historiografinë shqiptare i një aktiviteti 50-vjeçar, të zhvilluar në mërgim nga organizata patriotike Lidhja Kosovare, e cila ishte krijuar me amanetin dhe porosinë e gjeniut të kombit Mit’hat Frashërit (Lumo Skendo), si një degë e organizatës politike kundërkomuniste gjithëkombëtare, me emrin kuptimplotë: “Balli Kombëtar”.
Mendoj, se pikërisht këtu qëndron merita e autorit dhe vlera e madhe e veprës studimore voluminoze, e punuar me një kujdes dhe përkushtim shumëvjeçar dhe e pershkuar nga fillimi e deri në fund nga një ndjenjë përgjegjësie serioze të lartë morale dhe patriotike, për të thënë gjithçka të vërtetë dhe vetëm të vërtetën të bazuara në fakte dhe dokumente autentike historike.

Kësisoj mjafton t’i referohemi burimeve dhe literatures së pasur të shfrytëzuar me imtësi nga autori, ku dëshmohet sasia e madhe e materialeve të vjelura, që janë ofruar në veprën e mirëfilltë historike, si: dokumente, raporte, proklamata, kujtime, thirrje etj., për të ndërkombëtarizuar çeshtjen shqiptare në përgjithësi dhe ate kosovare në veçanti.

Nga Fatmir Terziu

“Kafe, kafe me bollëk… Oohhhh!” Kështu shkruan Pierre-Pandeli Simsia në brendësi të tregimit të tij “Kafeja”, nga i cili ka marrë emrin edhe vëllimi më i ri i tij me të njëjtin titull. I vë theksin këtyre fjalëve për të shpënë lexuesin më larg dhe për të afruar një risk ndjenjash e emocionesh kohore në hapësirë tjetër: “Sa i pasur po i dukej ai dyqan ku nuk mungonte asnjë mall.” Dhe më pas në lidhjen me kafen, Pierre-Pandeli Simsia shton: “Kafe, fruta dhe fara të thata, pije të ndryshme alkoolike dhe freskuese të panjohura…”
Por gjersa të gjitha këto ekzistonin karakterit të shkrimtarit Pierre-Pandeli Simsia “Mendja i rrinte tani vetëm tek i ati. Po i dhimbsej më shumë se kurrë. Donte të blinte kafe e t’ia dërgonte që atë çast. Po ku do ta mbante? Si do t’ia dërgonte? As vetë nuk e dinte se ku do shkonte atë ditë të parë të mbërritjes së tij në atë shtet të huaj…”
E gjitha që transmetohet apriori, aq sa është shkëputur në këtë fragment, përkitazi pikëtakon dhimbjen në forma të ndryshme, por afron edhe një lidhje të ngushtë më identitetin, me atë pjesë të tij ‘ndikimi transformues’ që erdhi në vatrën shqiptare, mes lidhjeve historiko-kulturore, për të dhënë qartë se kafeja ishte pjesa më integrale, e vetmja që na dallonte si një mishërim me të shkuarën.

Nga Frank Shkreli

Udheheqesit e shteteve anetare te Organizates se Atlantikut Verior, NATO do te takohen kete  fund jave ne Lisbone te Portugalise per te diskutuar te ardhmen e strategjise ushtarake dhe politike te alenaces, si edhe perparimin e deritanishem te luftes ne Afganistan. Pervec, ceshtjeve te aleances se NATO-s, udheheqesit e vendeve anetare do te bisedojne gjithashtu edhe per sfidat ekonomike me te cilat perballet tani bota, si edhe marredhenjet e aleances me Rusine. 

Sekretari i Pergjitheshem i NATO-s, Zoti Anders Fogh Rasmussen tha se mbledhja ne Lisbone do te jete njera nder mbledhjet me te rendesishme te nivelit te larte ne historine e kesaj organizate. Sipas tij, vendimet qe aleatet pritet te marrin ne mbledhjen  e Lisbones do te sigurojne qe NATO, ne te ardhmen, te jete me efektive, me e angazhuar dhe me e afte se cdo here tjeter ne te kaluaren.  Sekretari i Pergjitheshem Rasmussen tha gjithashtu se mbledhja e nivelit te larte, kete fund jave, do te shenoje gjithashtu edhe fillimin e nje faze krejtesisht te re te operacioneve te NATO-s ne Afganistan, ne baze te cilit qeveria e Afganistanit do te kete pergjegjesine kryesore per sigurine ane e mbane vendit.  Perfaqsuesi i posacem amerikan per Afganistanin dhe Pakistanin, Ambasadori Richard Holbrooke tha, me heret kete jave, se strategjia e re do te jete nje strategji tranzicioni e jo nje strategji per tu terhequr nga Afganistani.