-  Me 18, 19 dhe 20 qershor në qytetin Sindelfingen afër Shtutgardit është organizuar manifestimi i 34 me radhë “Internationales Strassenfest” (Festa ndërkombëtare e rrugës).
Qyteti ishte zbukuruar me reklama, pankarta dhe mbishkrime që paralajmëronin se gjithçka ishte përgaditur mirë për fillimin e kësaj feste. Rreth 170 shoqata, grupe dhe shoqëri të ndryshme muzikore gjermane dhe të popujve të ndryshëm ishin regjistruar për të marrur pjesë në këtë manifestim. Edhe komuniteti shqiptarë që jeton dhe vepron në Sindelfingen dhe Böblingen kishte paralajmëruar pjesëmarrjën e tij në këtë organizim.
            Të gjitha përgaditjet e nevojshme dhe të domosdoshme rreth këtij organizimi i kishte marrur përsipër Shoqata Kulturore Shqiptare “Isa Boletini” me seli në Sindelfingen, e cila vepron në këtë rajon që nga viti 1983. Për këtë organizim kryesia e shoqatës kishte krijuar paraprakisht edhe parakushtet për formimin e një grupi të vallëtarëve, kishte siguruar veshjet tradicionale kombëtare si dhe lokalin ku do të mbaheshin provat e vallëzimeve etj.                  Edhe përkundër motit jo të mirë sidomos të premtën dhe pjesërisht të shtunën, pjesëmarrja e shqiptarëve në këtë manifestim ishte shumë masovike dhe për çdo lavdatë.

Tendat e përgaditura ishin fare të vogla për t’i zënë të gjithë brenda tyre. Sidoqoftë vendi ku shqiptarët ishin vendosur ishte shumë i përshtatshëm për të pritur sa më shumë shqiptarë dhe për të krijuar një atmosferë vërtetë madhështore dhe festive.Vallëzimet e bukura dhe në grupe të mëdha të shqiptarëve kishin tërhjekur vëmendjën por edhe simpatinë e shumë gjermanëve dhe të pjesmarësve të popujve të tjerë, që me shumë dëshirë qëndronin por edhe vallëzonin bashkë me shqiptarët.
Kuzhina shqiptare përkatësisht kuzhinierët shqiptarë kishin shumë punë për t’i shërbyer të gjithë ata që me ëndje dhe me shumë shije shërbeheshin me ushqimet dhe pijet e përgaditura enkas për këtë manifestim. Pastërtia serioziteti dhe shpejtësia për shërbim cilësor kanë ndikuar që shumë gjermanë dhe të huaj të tjerë të gjendën më shpeshë pranë kuzhinës shqiptare se sa te kuzhinat e të tjerëve.
Shoqata “Isa Boletini” kishte paralajmëruar organizatorin se grupi i vallëtarëve shqiptarë do të prezentohej katër here në skenë, në skenat qendrore, të përgaditura pikërisht për pritjën e prezentuesve nacionaliteteve të ndryshme.
Është për t’u vequar se vallet shqipe krijonin një ndjenjë të veqantë të të tjerët, ndoshta për shkak të origjinalitetit dhe tradicionalizmit. Ka pasur shumë lavdata dhe simpati si nga moderatorët dhe nga përsonalitete të tjera poashtu edhe nga qytetarë normal për çdo paraqitje të valleve shqiptare.
Organizatori qendror i Strassenfestit kishte paralajmëruar Kryesinë e Shoqatës “Isa Boletini” se të dielën  do të vijë për vizitë të shkurtër në tendën tonë edhe kryetari i komunës së Sindelfingenit Dr. Bernd Vöhringer.
Në këtë rast kryetarit Dr. Bernd Vöhringer  iu bë një pritje e përzemërt. Ai nuk hezitoj që të marrë pjesë edhe në një vallëzim të përbashkët dhe në fund iu është falënderuar kryesisë së shoqatës për mikëpritje të përzemërt.



Në fund të këtij manifestimi treditor kishte shumë fjalë të mira nga shumë bashkatdhetarë por edhe kerkesa dhe dëshira që organizime të tilla të kemi më shpeshë.
Ndërsa e veqanta e tërë këtij manifestimi treditor ishte se nuk ka ndodhur asnjë eksces apo problem që kishte me e zbehë madhështinë dhe solemnitetin e këtij organizimi.
Kryesia e shoqatës e shprehë edhe njëhere falënderimin e saj për të gjithë bashkatdhetarët  që me një pjesëmarrje sa madhështore po aq edhe të qytetëruar kanë dhënë një shembull të mirë për të tjerët. Një falënderim të veqantë kryesia ua drejton atyre bashkatdhetarëve që pa përtesë dhe pa ngurrim kanë ndihmuar shumë dhe kanë ndikuar në mbarëvajtjën e këtij organizimi.

Brahim Halimi
drejtues i Shoqatës "Isa Boletini" në Sindelfingen të Gjermanisë