REAGIM I SHOQATËS GJITHËSHQIPTARE „TROJET E ARBRIT“ -  LIDHUR ME        HEQJEN E EMBLEMËS SË LIDHJES SHQIPTARE TË PRIZRENIT                        

Në shenjë respekti për përvjetorin e 132 të Lidhjes Shqiptare të Prizrenit, në mënyrë simbolike, sjellim reagimin e 132 Intelektualëve Shqiptarë nga mbarë Trojet Etnike Shqiptare dhe Diaspora kundër vendimit absurd të Gjykatës Kushtetuse të Kosovës,
SHOQATA GJITHËSHQIPTARE “TROJET E ARBRIT”

Lajmi për heqjen e emblemës së Lidhjesë Shqiptare të Prizrenit na ka habitur dhe tronditur pa masë, se me këtë akt të vrazhd dhe vandal, Gjykata Kushtetuse e Kosovës ka luajtur me ndjenjat dhe emocionet e 13 milionë shqiptarëve anë e kënd rruzullit tokësorë, kështu, duke hapur plagët historike për të gjithë ata shqiptarë të cilët humbën me të dashurit e tyre gjatë pushtimit pesëshekullorë të perandorisë osmane dhe pushtimit njëshekullor sllav, pushtim i cili ende sot e asaj dite vazhdon në një pjesë të mirë të trojeve tona etnike. Jemi kundër, se kjo logo nuk prezanton vetëm zyrtaritetin e qytetit të Prizrenit, por simbolizon historinë e sakrificës dhe luftën kundër zhbërjes kombëtare nga pushtimet shekullore me etni të ndryshme, që sot edhe po bëjnë inicime të turpshme. Andaj, multietniciteteve të mbetura e të vona, ju, Gjykatë Kushtetuese, mund t’u jepni diç më të vonë, dhe që nuk cenon assesi të mirën e lavdi!
shme kombëtare ndërshekullore. Dhe ju përkujtojmë se, Kushtetutshmëria dhe Kombëtarja janë në binarë të veçantë. Shoqata gjithëshqiptare “Trojet e Arbrit”, përmes këtij reagimi, fton Gjykatën Kushtetuse të Kosovës që në mënyrë urgjente ta heqë vendimin e saj dhe mos të luan me faktologjinë kombëtare, historike e politike, si dhe me ndjenjat shpirtërore të mbi 13 milionë shqiptarëve gjithëkah janë, pa përjashtim.