A dini se shpesh kisha ëndërruar të isha në Tiranë për zgjedhjet parlamentare? Të ndihmoja sado pak. I ftuar apo i paftuar. Dhe mundësitë i kisha. Shkolla mbaroi, verë është… Por, një histori e hidhur e para disa viteve më bëri të reflektoj. Aso kohe, pasi kishim marr një ftesë nga një nga organizatat jo qeveritare nga më të fuqishmet në Shqipëri për të protestuar kundër qeverisë, unë dhe jo vetëm unë, e kritikuam këtë veprim si një veprim politik nën maskën e një organizate jo politike që gjasme përfaqsonte shoqërinë civile. Ngjarjet e mëvonshme na dhanë të drejtë. Por, si përgjigje nga një i ri, i angazhuar nga organizata në fjalë morëm një mesazh që të themi fyes është pak. Me pak fjalë, ky i ri, që mbahet për gazetar dhe veprimtar i shoqërisë civile, na kujtoi se ne që e kemi braktisur Shqipërinë nuk kemi të drejtë të flasim kapardisur nga qytetet ku jetojmë tani, se ata veprimtarët e OJQ-së në fjalë po sakrifikonin për gjithë popullin shqiptar. Nejse, nuk është objekti i këtij shkrimi ti përgjigjem fyerjeve të bëra nga një i paedukat para disa viteve sepse koha e provoi se organizmi në fjalë nuk ishte dhe aq steril siç hiqej përderisa polli …një parti politike… Ajo që dua të them është se ne emigrantët pavarësisht se jemi qytetarë shqiptarë, pavarësish se kemi të drejtë vote ne jemi « ju që jetoni në metropolet e botës… ». Pavarësht se flitet për ne, madje disa e kanë bërë prioritet politikën ndaj emigrantëve, unë jam mosbesues dhe nëse një ditë emigrantët shqiptarë do t’ia dalin të kenë të drejta, ata këto të drejta do ti fitojnë. Sepse i tillë është mekanizmi politikë. Ai duhet shtytur, ndrushe…ngelet në vend.
Për monizmin thuhet se tashmë i përket historisë, por ekzistenca e shtypit partiak dhe betejat e ashpra politike për pushtet me cdo kusht deri në zvetënimin e kundërshtarit lë të kuptohet se monizmi është mentalitet, më tepër sesa institucion.
Sot në botën demokratike perëndimore, partitë politike nuk kanë organe shtypi - gazeta, radio a stacione televizivë. Në këtë oaz mediatik ka gazeta që përkrahin të djathtët a të majtët, ose që kundërshtojnë njërin krah ose tjetrin, ndërsa politikanët përpiqen të jenë miq të shtypit. Sepse për të bërë të njohur programet e veta, partitë kanë veprimtarë dhe ekzistenca e gazetave partiake shihet si paradoks.
Dëshira e papërmbajtur a padurimi për të informuar publikun mbi sukseset vetiake është njohur si karakteristikë e sunduesve më autokratë. Historikisht kjo zë fill me Jul Cezarin me 59 p.e.s., kur ai filloi të nxirrte gazetën e përditëshme Acta Diurna – Ngjarje Ditore, në të cilën zvillimet pasqyroheshin në mënyrë të njëanëshme. Kjo e shtyu Senatin të botonte menjëherë gazetën e vet, Acta Senatus. Kështu mund të thuhet se këto dy organe përbëjnë edhe fillimet e para të Gazetave Zyrtare dhe Parlamentare
Balli Kombëtar paraqet kandidatët në qarkun Vlorës
19 Qershor 2009
Të dielën më datën 14 qershor Partia Balli Kombëtar dega Vlorë bëri prezantimin e 12 kandidatëve të saj për qarkun e Vlorës. Ky aktivitet u zhvillua në Pallatin e Kulturës "Labëria" me pjesëmarrjen e qindra antarëve dhe simpatizantëve të Ballit Kombëtar. Ishin të ftuar kryetari i PBK. Adriatik Almiadhi, nënkryetarja e PBK Majlinda Toro, kryetari PBK dega Fier z. Arben Nazeri, si dhe z. Muharrem Xhaferri, aktivist i palodhur i Ballit Kombëtar që kishte ardhur nga Kanadaja e largët.
Takimin e hapi kryetari i PBK dega Vlorë z. Ridvan Mersini i cili pasi falenderoi pjesëmarrësit dhe foli për organizimin e fushatës, prezantoi 12 kandidatët e qarkut të Vlorës.
Vota për Ballin Kombëtar është votë për SHQIPTARIZMIN
19 Qershor 2009
Programi i PBK i paraqitur në hapjen e fushatës elektorale nga z.Adriatik Alimadhi, kryetar i PBK
Të nderuar miq,
të nderuar të ftuar, i nderuar Z.Aldo Bumçi, i nderuar Z.Artan Tujani, i nderuar Z.Tahir Muhedini, i nderuar Z.Ndregjoni, i nderuar Z. Kasa, të nderuar antar, simpatizant mirëse keni ardhur në hapjen e fushatës elektorale për në zgjedhjet e 28 qershorit 2009 të partisë Ballit Kombëtar.
Një përshëndetje dhe falenderim të vecantë për të gjitha strukturat të cilat u angazhuan seriozisht me sakrifica dhe kontributet e tyre të cilat bënë të mundur përzgjedhjet e kandidatëve për në zgjedhjet e 28 qershorit 2009. Një respekt dhe mirënjohje për 140 kandidatët dhe familjet e tyre që me shumë dashuri pranuan të kontribojnë për partinë e traditës kombëtare. Një mirënjohje të vaçantë për kryesinë e partisë e cila me shumë maturi, pjekuri politike më ka mbështetur plotësisht në të gjitha lëvizjet politike.
Më lejoni që përpara jush dhe të gjithë shqiptarëve kam kënaqësin të ftojë drejtuesit kryesor në 12 qarqet e Shqipërisë ata,te cilet janë personalitete, intelektual nga fusha të ndryshme dhe vin nga familje me përmbajtje dhe frymë kombëtare,të masakruara dhe diskriminuara nga regjimi komunist dhe këta personalitete vin para jush për ti dhënë Ballit Kombëtar përfaqësimin në parlamentin shqiptar në zgjedhjet e 28 qershorit 2009.
Arkivi i artikujve 
