Faqe kryesore arrow Arkivi i artikujve arrow Kosova arrow  "Formula e re" serbe "Kosova në Serbi, e Serbia në Evropë" është antievropiane dhe antidemokratike!
"Formula e re" serbe "Kosova në Serbi, e Serbia në Evropë" është antievropiane dhe antidemokratike! PDF Print E-mail
09 Tetor 2006

BAROMETRI DIPLOMATIK
Prof.Dr.Sc. Mehdi HYSENI

"Formula e re" serbe "Kosova në Serbi, e Serbia në Evropë" është antievropiane, antidemokratike dhe anticivilizuese!

Derisa politika zyrtare e Beogradit është duke vazhduar politikën serbomadhe dhe gjenocidale të regjimit paraprak  antidemokratik, anticivilizues, antishqiptar, antievropian dhe antiamerikan të ish-kryekriminelit serbomadh, Slobodan Milosheviq, se “Kosova është pjesë integrale e territorit të Serbisë”, atëherë del krejt e qartë pse edhe bisedimet e deritashme në Vjenë të “grupeve punuese” serbo – shqiptare” kanë hyrë në epilogun e dështimit.
 

Se fillimi dhe vazhdimi i këtyre bisedimeve ishte një “akrobacion”  i realpolitikës evro-ndërkombëtare, e jo kursesi realizëm politik, sepse sikur të  ishte  kështu, atëherë me plot të drejtë bashkësia ndërkombëtare fare nuk do ta konsultonte  Beogradin zyrtar në rolin e “fëmijës së llastuar” (edhe pas kryerjes së dhjetë gjenocideve koloniale mbi Kosovën-Shqipërinë Etnike, në intervalin kohor 1842-2006), por do ta përfillte realitetin e krijuar në terren në Kosovë në përputhje me dispozitat e Kartës së Kombeve të Bashkuara dhe me normat e së drejtës ndërkombëtare që janë në favor të së drejtës historike dhe të së drejtës së vetëvendosjes së shqiptarëve dhe të Kosovës ngaqë kjo historikisht që nga viti 1371 ishte pjesë e shtetit feudal shqiptar të Balshajve, shtet ky i cili 18 vjet më pas (1389) përmbyset nga Perandoria Osmane.
 
Shprehur “telegrafikisht” (pa i ripërsëritur me qindra herë,  edhe një mori argumentesh dhe faktesh të pakundërshtueshme historike, juridike dhe gjeopolitike etj.) kjo gjenezë e lashtë  më se gjashtë  shekullore (duke mos llogaritur shekujt e tjerë të lashtësisë së Kosovës ilire, provon  se identiteti i saj i gjithmbarshëm ka të bëjë me shqiptarët dhe me Shqipërinë e tyre etnike, pjesë e patjetërsueshme e së cilës është edhe Kosova dardane ilire,  e jo kurrfarë ndërlidhurie me kurrfarë “djepi”, as “zemre” të  serbëve, as të Serbisë, ashtu siç ka pohuar me shekuj kuazishkenca, politika dhe kisha ortodokse serbomadhe e Serbisë së Madhe.
 
Në këtë kontekst Kosova nuk është kurrfarë problemi, sepse historikisht ka qenë pjesë integrale e territorit të Shqipërisë Etnike. Mirëpo, dy faktorë kryesorë mbizotërues iracionalë dhe antiligjorë janë që e problematizojnë zjgidhjen optimale të çështjes së Kosovës në favor të pavarësimit të saj: (1) Politika regresive e kolonialzimit serbomadh, që edhe sot(pas përmbysjes së regjimit gjenocidal antishqiptar të Slobodan Milosheviqit) Kosovën e konsideron “pronë legale dhe legjitime të saj” dhe (2) Realpolitika  tradicionale  e “bizmarkëve” të rinj të Evropës së sotme të ashtuquajtur integruese, multietnike dhe demokratike, e cila njëanshmërisht dhe,pa asnjë të drejtë Serbinë e ka kyçur në debatin ndërkombëtar për zgjidhjen e statusit të Kosovës(!?)
 
Të gjithë aktorët dhe “mentorët”, që janë të involvuar në çështjen e Kosovës po qe se vërtet duan ta zgjidhin atë përfundimisht në interes të palës  shqiptare dhe të asaj serbe, atëherë domosdoshmërisht duhet të përfillin  kriterin historik dhe juridiko-gjeopolitik e demokratik, në mënyrë që  të dy palëve t’u jipet ajo çka vërtet, edhe iu takon ligjërisht. – Serbia le të mbetet në Shumadinë çetnike serbe, kurse Kosova le të mbetet aty ku edhe e ka djepin e saj të përjetshëm-Shqipërinë Etnike. Ky do të ishte kompromisi i vetëm, i asryeshëm historik, politik dhe demokratik, që do të mund t’i pajtonte të dy palët e armiqësuara me shekuj, si rrjedhim i  gjenocidit dhe i kolonializmit serbomadh mbi kombin shqiptar dhe mbi territorete indigjene të Shqipërisë Etnike. Ndryshe,Ballkani dhe Evropa sërish do të përballen me politikën pushtuese gjenocidale të Serbisë së sotme “demokratike”, e cila duke u mbështetur në tradicionalizmin e realpolitikës ruse po  vetëgënjehet, ashtu sikurse  u vetëgënjye keq edhe i vetëvrari i saj, Slobodan Milosheviq, i cili realisht ishte viktimë e nacionalizmit dhe e serbocentrizimit autodestruktiv të politikës shtetërore, kishtare dhe gjithëserbe. Kështu, sikurse “mesija” e tyre Slobodan Milosheviq,  do të përfundojnë edhe trashëguesit dhe pasuesit e politikës shtetërore dhe kishtare të tij (Boris Tadiq, Vojislav Koshtunica, Vuk Drashkoviq, Tomislav Nikoliq, vladika Artemije....etj.), po qe se e kontestojnë pavarësimin e Kosovës.
 
Si Beogradi zyrtar, ashtu elementet ekstremiste gjithëserbe dhe të Kishës Ortodokse Serbe me në krye vladika Artemijen, duhet ta kenë më se të qartë se vetëm arritja e një kompromisi  racional politik, do të mund t’ i garantonte Serbisë që të hynte në Bashkimin Evropian(BE). Pra, si politika dhe kisha serbe, ashtu edhe i gjithë populli serb, duhet të pajtohen me të vërtetën e hidhur shqiptare, se vetëm pas tërheqjes definitive të Serbisë nga  Kosova dhe nga territoret e tjera të Shqipërisë Etnike, do të krijoheshin kushtet dhe rrethanat reale për normalizimin e marrëdhënieve politike ndërfqinjësore me Kosovën, përkatësisht me Shqipërinë Etnike. Vetëm ky kompromis i drejtë dhe i dobishëm për të dy palët në konflikt, do të eliminonte formulën “e re demokratike-evropiane” të serbomëdhenjve fashistë dhe kolonialistë: “Kosova në Serbi, e Serbia në Evropë”(!) Një “film” i këtillë, pjellë e drejtpërdrejtë e Serbisë së Madhe të “Naçertanijes”(1844) së Ilia Garashaninit, të “Memorandumit” të Akademisë së Shkencave dhe të Arteve të Serbisë (1986), si dhe të memorandumeve e projketeve të tjera gjenocidale të Kishës Ortodokse Serbe për zgjerimin dhe rizgjerimin e territroreve të Serbisë së Madhe në kurriz të vazhdimësisë historike të shfarosjes gjenocidale të shqiptarëve dhe të djegjes, të copëtimit dhe të pushtimit të Shqipërisë Etnike, nuk ka asanjë gjasë që të realizohet, as të shfaqet në shekullin XXI, pa marrë parasysh “listën e dëshirave”  dhe kërcënimet e politikës zyrtare serbe drejtuar në adresë të shqiptarëve të Kosovës.
 
Njohja e pavarësisë së Kosovës nuk do të paraqet kurrfarë problemi a precedence as për të drejtën ndërkombëtare, as për paqen dhe stabilitetin në Ballkan, ashtu siç po spekulon në mënyrë të ethshme dhe iracionale, antidemokratike dhe anticivilizuese politika propagandistike e Beogradit zyrtar dhe e Kishës Ortodokse Serbe, që me çdo kusht po lufotjnë “ta bindin” Evropën dhe Amerikën se Kosova “është djepi” i Serbisë?!
 
Sa më sipër Kosova nuk është problem në asnjë aspekt (qoftë historik, juridik, politik, etnik a demokratik), por hëpërhë problem është çështja e pazgjidhur kombëtare  shqiptare në Ballkan. Miërpo, fatkeqësisht, këtë problem kyç jo vetëm për Ballkanin, por edhe për Evropën e më gjerë, ende nuk janë duke e kuptuar seriozisht   në frymën e realizmit politik dhe të  së drejtës së vetëvendosjes as politika dhe diplomacia e gjysmë Shqipërisë “demokratiko-socialiste”, e drejtuar  nga Sali Berisha, Rexhep  Mejdani, Alfred Moisiu dhe Fatos Nano (1990-2006), as realpolitika e bashkësisë ndërkombëtare.
Komente nga lexuesit

Koment nga GUEST më 2006-10-16 15:44:51
zotit Mehdi Hyseni ; ju pershendes ju pergezoj ju lexoj me shume deshire ju vleresoj cfare shkruani si nje gje te vyer te sakte ..... a do te kem rastin te te shohe nga afer e t'ju takoj ... ju pershendes mga larg Irfan Kamberaj

Koment nga GUEST më 2006-10-23 14:11:36
Eshte e pakte te te them patriot i flakte. Ti je ylli qe po shkelqen ne kete katrahure "akademike" dhe zeri i vetem i Mbrojtjes se Shqiperise Etnike. Te qellofte pena e te ndritte mendja. Pershendetje shqiptare, zoti Hyseni. Evis


International
English
Faqe interaktive