Ditën e shtunë në datën 30 maj, Balli Kombëtar hapi fushatën elektorale në Teatrin e Operas dhe Baletit në Tiranë me praninë  e rreth 500 pjesëmarrësve. Takimi u hap nga kryesia e PBK me prezantimin e programit dhe të platformës elektorale të PBK. Më pas në një atmosferë entuziaste u bë prezantimi i kandidatëve të PBK në këto zgjedhje, të cilët premtuan të punojnë me përkushtim për ta përfaqësuar Ballin Kombëtar në Parlamentin e ri.

Kjo është lista e kandidatëve (krerët e listave)  të PBK në 12 qarqet:

1.    Tiranë                   Adriatik Alimadhi
2.    Shkodër                Gëzim Brezda
3.    Fier                       Majlinda Toro
4.    Vlorë                   Kujtim Lamaj
5.    Korçë                   Arben Hoxha
6.    Durrës                    Shpëtim Varaku
7.    Elbasan                Dalip Kadriu
8.    Berat                   Behar Velmishi
9.    Dibër                   Fatmir Doksani
10.    Gjirokastër               Petrit Pollo
11.    Lezhë                   Dile Nikolla
12.    Kukës                  Basri Shani Elezi

 


Në hapjen e fushatës morën pjesë edhe përfaqësuses të forcave politike aleate si PD, PLL etj.  
Pas hapjes së fushatës në Tiranë, PBK ka hapur fushatën të dielën edhe në qytetin e Fierit kurse të mërkurën më 3 qershor do të prezantohen kandidatët e qarkut të Elbasanit për të vazhduar me hapjen e fushatës në qytetin e Korçës të dielën 7 qershor. Balli Kombëtar synon që zgjedhjet e 28 qershorit të rifutet në Parlamentin e Shqipërisë pas një mungese 4-vjeçare.

A. M.