Përshëndetje bashkatdhetarëve kudo që janë.

E dërgoj urimin tim për 28 nëntorin historik e të lavdishëm, datë e bekuar me një imazh të madh e të rëndësishëm historik për mbarë Kombin tonë Shqiptar, Pavarësia e Shqipërisë.
Data 28 nëntor për të gjithë ne shqiptarët ka qenë dhe do të mbetet përherë e shenjtë.
Që nga 28 nëntori i vitit 1443 kur Heroi ynë Kombëtar Gjergj Kastrioti Skënderbeu u kthye njëherë e përgjithmonë në Krujën e bekuar e të lashtë dhe ngriti flamurin e kastriotëve në kalanë shekullore, që nga 28 nëntori i vitit 1912 kur Ismail Qemali së bashku me patriotë të tjerë shqiptarë ngritën në Vlorën heroike të njëjtin flamur të kastriotëve me shqiponjën dykrerëshe, duke shpallur përfundimisht Pavarësinë e Shqipërisë, e deri në kohët e sotme, kur ne e festojmë atë datë me krenarinë e të qënurit shqiptarë, me dashuri për atdheun, me dashuri për njeri tjetrin si vëllezër e motra të një gjaku që jemi.