Libri i mërgimtarit që ngryset e zgjohet me Kosovën në gojë

Këto ditë (26 prill 2010) në qytetin e Aucklandit (Zelandë e Re) doli nga shtyp libri i katërt i Sabit Abdylit “Bijtë e shqipes në token e reve të bardha”.  Është ky libër,  siç thotë recensuesi i veprës, Agron Krasniqi,  i mërgimtarit që ngryset e zgjohet me Kosovën në gojë. Në  libër autori ka përmbledhur disa prej krijimeve të veta letrare: prozë e poezi  si dhe artikuj  të publikuar më parë në gazeta e revista në gjuhën shqipe që bëjnë fjalë për Mërgatën shqiptare në Zelandë të Re.  Në artkujt, të cilëve u prinë artikulli “Bijtë e shqipes në token e reve të baradha” të shkruar rrjedhshëm dhe me të dhëna të begatshme,  ka parqitur kronikën e ardhjeve të shqiptarëve me emra njerëzish dhe datime në  Ishullin e largët, Ishulli që aq miqësisht u hapi derën shqiptrëve kur ata patën më së shumti nevojë, si dhe aktivitetet e tyre kulturore e sportive në mjedisin e ri.

Policia e Maqedonisë ka vrarë natën e kaluar katër shqiptarë që po udhëtonin me një furgon pranë  fshatit  Sllivare e Epërme në rajonin e Radushës, në afërsi të kufirit me Kosovën. Sipas policisë maqedonase e cila ka qenë në pritë, "nga furgoni është hapur zjarr dhe policia është përgjigjur". Por ky version duket pak i besueshëm. U bënë disa raste që policia maqedone ekzekuton shqiptarë duke përdorur akuza të ndryshme të paverifikuara. Qëllimi i këtyre ekzekutimeve të kryera nën maskën e ligjit, është mbajtja nën frikë dhe terror i shqiptarëve të Maqedonisë.

  Midis të tjerëve i takon edhe Shqipërisë t'i kërkojë llogari Maqedonisë për këto vrasje të shqiptarëve të cilat po bëhen tepër të shpeshta. Qeveria e Tiranës duhet të heqë dorë nga "marrëdhëniet e shkëlqyera" dhe të pakushtëzuara me Maqedoninë dhe t'i kushtëzojë ato me trajtimin që shteti maqedon i bën shqiptarëve të Maqedonisë. Duhet bërë e qartë se ekzekutime të këtij lloji janë të papranueshme dhe do të kenë pasoja për paqen në rajon!